އަހަރެމެން

2023 ވަނަ އަހަރު އަޅުގަނޑުމެން މިނިވަން ނޫސް އެޖެންސީއެއްގެ ގޮތުގައި "ހަތެއް" ނޫހުގެ މަސައްކަތް ފެށީ ވަރަށް ބޮޑު އުންމީދަކާއި އަދި އެއަށްވުރެ ބޮޑު ތަސައްވުރަކާ އެކުއެވެ. އަޅުގަނޑުމެންގެ އެންމެ އިސް އަމާޒަކީ ކަންކަމުގެ ހަގީގަތް ހޯދައި، ރައްޔިތުންނާ ހަމައަށް އެންމެ ތެދު އަދި ސައްހަ މައުލޫމާތު ފޯރުކޮށްދިނުމެވެ. މިއީ ހަމައެކަނި ޚަބަރެއް ލިޔެލުމަށްވުރެ، ރައްޔިތުންނަށްޓަކައި އަޅުގަނޑުމެން އުފުލާ ވަރަށް ބޮޑު އަމާނާތެކެވެ.

ޚަބަރު ހޯދުމުގައި އަޅުގަނޑުމެން އެއްވެސް ފަރާތަކަށް ބުރައެއް ނުވަމެވެ. ވަކި ފަރާތަކަށް ޖެހުމެއް ނެތި، ފުރިހަމަ މިނިވަންކަމާ އެކު މަސައްކަތް ކުރުމަކީ އަޅުގަނޑުމެންގެ އެންމެ ވަރުގަދަ އަސާސެވެ. އަޅުގަނޑުމެން ޚަބަރު ފަތުރަނީ އެއްވެސް ނުފޫޒެއްގެ ދަށުނުވެ، ހަގީގަތް އޮތްގޮތަށް ހާމަކުރުމުގެ މަތިވެރި އަޒުމުގައެވެ.

އަޅުގަނޑުމެންގެ ނޫސް ހިންގުމުގެ ފަލްސަފާއަކީ ދެފުށް ފެންނަ، އިތުބާރު ހުރި ނޫސްވެރިކަމެއް ކުރުމެވެ. މައުލޫމާތެއް ލިބުމުން އެއީ ކިހާވަރެއްގެ ތެދެއްތޯ ބެލުމަކީ އަޅުގަނޑުމެން ވަރަށް އިސްކަންދޭ ކަމެކެވެ. ކޮންމެ މައުލޫމާތެއްވެސް އެކި ގޮތްގޮތުން ކަށަވަރު ނުކޮށް އަޅުގަނޑުމެން އެއްވެސް ޚަބަރެއް އާންމެއް ނުކުރަމެވެ.

ރައްޔިތުންގެ އިތުބާރު ހޯދުމަކީ އަޅުގަނޑުމެންގެ އެންމެ ބޮޑު ކާމިޔާބީއެވެ. އަބަދުވެސް އަޅުގަނޑުމެން ދެމިތިބޭނީ މި އުސޫލުތަކުގެ މަތީގައި، ހަގީގަތާ އެކުއެވެ.

އެޑިޓޯރިއަލް ޕޮލިސީ

"ހަތެއް" ނޫހުގެ އެޑިޓޯރިއަލް އުސޫލުތައް ބިނާވެފައިވަނީ ތެދުވެރިކަމާއި، މިނިވަންކަމާއި، އަދި ދިވެހިރާއްޖޭގެ ދީނީ އަދި އިޖުތިމާއީ މިންގަނޑުތަކުގެ މައްޗަށް.

1. އިސްލާމީ އުސޫލުތަކަށް އިހުތިރާމްކުރުން: ފަތުރާ ކޮންމެ ޚަބަރަކާއި މައުލޫމާތަކީ އިސްލާމްދީނުގެ މަތިވެރި އަސާސްތަކާއި، ދިވެހިރާއްޖޭގެ ގާނޫނުއަސާސީއާ ފުށުނާރާ މައުލޫމާތުކަން ކަށަވަރުކުރުން.
2. ތެދު މައުލޫމާތު ފެތުރުން: ކަންކަމުގެ ހަގީގަތް އޮޅުވާނުލައި، އެއްވެސް އުނި އިތުރެއް ނެތި ސައްހަ މައުލޫމާތު ރައްޔިތުންނާ ހަމައަށް ފޯރުކޮށްދިނުން.
3. މައުލޫމާތުގެ ސައްހަކަން ކަށަވަރުކުރުން: ކޮންމެ ޚަބަރެއް ޝާއިއުކުރުމުގެ ކުރިން، އެ މައުލޫމާތެއްގެ ސައްހަކަން ކަށަވަރުކުރުން.
4. މިނިވަންކަމާއި މުސްތަގިއްލުކަން: ސިޔާސީ ނުވަތަ ވިޔަފާރީގެ އެއްވެސް ނުފޫޒެއްގެ ދަށުނުވެ، ވަކި ފަރާތަކަށް ނުޖެހި ޚަބަރުތައް ގެނެސްދިނުން.
5. މަސްދަރުގެ ސިއްރު ހިފެހެއްޓުން: މައުލޫމާތު ފޯރުކޮށްދޭ ފަރާތްތަކުގެ ރައްކާތެރިކަމަށްޓަކައި، މަސްދަރުގެ ސިއްރު ހިފެހެއްޓުމަކީ ނޫހުގެ އެންމެ އިސް ވާޖިބެއްގެ ގޮތުގައި ބެލުން.
6. އަބުރަށް އިހުތިރާމްކުރުން: ކޮންމެ މީހެއްގެވެސް އިންސާނީ ކަރާމާތާއި އަބުރަށް އުނިކަން ނާންނާނެހެން، އަދި ޒާތީ ދިރިއުޅުމަށް އިހުތިރާމްކޮށްގެން ނޫސްވެރިކަން ކުރުން.
7. ޖަވާބުދާރީވުމުގެ ފުރުސަތު: ޚަބަރެއްގައި ބަޔަކަށް ތުހުމަތެއް ކުރެވޭނަމަ، އެ ފަރާތެއްގެ ބަސް ހޯދައި، ޚަބަރުގައި އެ ފަރާތެއްގެ ޖަވާބު ހިމެނުމަށް އިސްކަންދިނުން.
8. ކުށް އިސްލާހުކުރުން: ޝާއިއުކުރެވޭ ޚަބަރެއްގައި އެއްވެސް ކުށެއް އުޅޭނަމަ، ވީ އެންމެ އަވަހަކަށް އެކަން އިސްލާހުކޮށް ކިޔުންތެރިންނަށް އެކަން ހާމަކުރުން.

ކެރިއަރ

ހަތެއް ނޫހާއި ގުޅިވަޑައިގަންނަވާ!

އަޅުގަނޑުމެންނަކީ ތެދު މައުލޫމާތާއި ހަގީގަތް ހާމަކުރުމުގައި ސާބިތުކަމާއެކު މަސައްކަތްކުރާ ޓީމެއް. ނޫސްވެރިކަމުގެ ދާއިރާއިން ކުރިއަށްދާން ބޭނުންވާ، ހީވާގި އަދި އުފެއްދުންތެރި ކުދިންނަށް އަޅުގަނޑުމެންގެ ތެރެއިން އަބަދުވެސް ފުރުސަތު އޮންނާނެ.

މިނިވަންކަމާއެކު މަސައްކަތްކޮށް، ކަންކަމުގެ އަސްލު ހޯދައި ރައްޔިތުންނާ ހަމައަށް ގެނެސްދިނުމުގެ ޝައުގުވެރިކަން ހުރިނަމަ، އަޅުގަނޑުމެންގެ ޓީމާ ގުޅުމަށް ދައުވަތު އަރުވަން.

އަޅުގަނޑުމެންނާ ގުޅުމަށް: ވަޒީފާއަށް އެދޭ ސިޓީއާއި، އައިޑީ ކާޑުގެ ކޮޕީ އަދި ސީވީ (CV) އަޅުގަނޑުމެންގެ އީމެއިލް [email protected] އަށް ފޮނުއްވާ.